Barbaarta Gabalka ka Dhacay Magaalada Shiniile

 

shiniileShinile, Jun 15,2018 – Banaanbax balaadhan ayaa barqinimadii sallaada ciid, ka dib si buuxda uga bilowday gabalka Sitti, gaar ahaan magaalada Shiniile iyo degmooyinka Soo raaca.

Banaanbaxan oo lagagga soo horjeedo madax ismaamulka Somalida Itoobiya, ayaa hakad la galiyey, iyada oo lagu ixtiraamayo bisha barakaysan ee Ramadaan.

Banaanbax ka dhacay saaka dagmada Shiniile, ayaa ku baahay dagmooyinka gabalka Sitti, farqahana la galay Ismaamulka magaalada Dire Dawa oo ay qayb ka yihiin dadwaynaha gabalka Sitti.

Gabalka Sitti oo ka mid ah gabalada ugu cadcad degaabka Soomaalida Itoobiya, ayaa si aan gabasho lahayn uga horyimid madaxwayne Cabdi Iley, oo sida la sheegay uu maamulkiiisu ku dhisan yahay borobagaando ka fog runta.

Banaanbaxan oo ay horseed ka yihiin barbaarta Sitti, ayaa yimid ka dib, kolkii ay maalintii shalay ahayd uu ku baaqay mudaharaad guud ururka Dulmi-diid ee degaanka Soomaalida Itoobiya.

Banaanbaxan, ayaa la filayaa in uu si wayn ugu fido guud ahaan Ismaamulka Soomalida Itoobiya, halkaas oo sida la sheegayo ay cabashooyin xoog leh ka jiraan.